ბათუმის ქართულ-ამერიკული სკოლის საბუნებისმეტყველო მეცნიერებათა კათედრა აერთიანებს შემდეგ საგნებს:
- ფიზიკა;
- ქიმია;
- ბიოლოგია და
- Science ( საბუნებისმეტყველო მეცნიერებათა საფუძვლები ინგლისურ ენაზე).
სკოლა ფლობს აღნიშნული საგნების საფუძვლიანი და თანამედროვე სტანდარტებით სწავლებისათვის საჭირო ყველა მატერიალურ რესურს - ფიზიკისა და ქიმია-ბიოლოგიის სასწავლო ლაბორატორიები აღჭურვილია ხელსაწყოებით, ლაბორატორიული ჭურჭლით, რეაგენტებით, პრეპარატებითა და ტექნოლოგიებით (ე.წ. "ჭკვიანი დაფა, კომპიუტერი, პროექტორი, პრინტერი და სხვა). საგაკვეთილო პროექტი არის საინტერესო და შედეგზე ორიენტირებული.
სწავლების პროცესი და მეთოდები მრავალფეროვანია აქტივობებით:
- დისკუსია ხელს უწყობს მოსწავლეებში თავისუფალი, ანალიტიკური და კრიტიკული აზროვნების განვითარებას;
- პროექტებით სწავლება ხელს უწყობს მოსწავლეებში ანალიზისა, შედარების, მსჯელობის, ურთიერთთანამშრომლობის, თავისუფალი არჩევანის გაკეთების, პრობლემის გადაჭრისა და შემოქმედებითი უნარების განვითარებას;
- ჯგუფური მუშაობა უზრუნველყოფს მოსწავლეთა თანაბრადჩართულობას, ამ მეთოდით მოსწავლეები გამოიმუშავებენ ისეთ უნარებს, როგორიცაა თანამშრომლობა, პრეზენტაციის გაკეთება, ერთმანეთის აზრთა პატივისცემა და მოსმენა;
- გონებრივი იერიში მოსწავლეს აძლევს ნებისმიერი აზრის გამოთქმის საშუალებას, რითაც მოსწავლეები ეჩვევიან საკუთარი აზრის თავისუფლად დაფიქსირებას;
- პრაქტიკული ცდები მოსწავლეებს ეხმარება თეორიული მასალის უკეთ ათვისებაში და საბუნებისმეტყველო მეცნიერებების მიმართ მეტი ინტერესის გაღვივებაში;
- მინი ლექცია, კითხვა-პასუხი, ვიდეომასალის მიზნობრივი ჩვენება და ა.შ.
კათედრა მოსწავლეებს სთავაზობს შემაჯამებელი გამოცდების მრავალფეროვანი ფორმატს:
- ცდა-ექსპერიმენტი (მოსწავლე ინდივიდუალურად მუშაობს და ატარებს ცდებს);
- რეფერატი;
- პრეზენტაცია.
თითოეული საგამოცდო მეთოდის დროს მასწავლებელი ხელმძღვანელობს მოსწავლეებთან ერთად წინასწარ შემუშავებული შეფასების რუბრიკებით .
სასწავლო პროცესი ორიენტირებულია მოსწავლის ინდივიდუალურობისა და შესაძლებლობების გამოვლენაზე.
ბათუმის ქართულ-ამერიკულ სკოლაში, საბუნებისმეტყველო მეცნიერებების კათედრის ინიციატივითა და ორგანიზებით, ყოველწლიურად ტარდება საბუნებისმეტყველო მეცნიერებათა კვირეული. კვირეულის ფარგლებში, მოსწავლეები წარმოადგენენ თავიანთ ნამუშევარ პროექტებსა და პრეზენტაციებს.
სკოლის ბაზაზე არსებობს ,,ნორჩ ქიმიკოსთა,, კლუბი, რომელშიც გაწვერიანებულები არიან საბუნებისმეტყველო მეცნიერებებით დაინტერესებული მოსწავლეები. მოსწავლეები სისტემატურად იღებენ მონაწილეობას ეროვნულ ოლომპიდებსა და კონფერენციებში.
ბათუმის ქართულ-ამერიკულ სკოლაში ისწავლება აგრეთვე საგანი "science" (IV-IX კლასები). აღნიშნული საგნის მიზანია ხელი შეუწყოს მოსწავლეებს გაიმდიდრონ ლექსიკა (ტერმინოლოგია) საბუნებისმეტყველო საგნებში რომელიც ხელს უწყობს მოსწავლეებს საბუნებისმეტყველო საგნებში, რათა გაუმარტივდეთ ამ მიმართულებით სწავლის გაგრძელება საზღვარგარეთ, ან ინგლისურენოვან პროგრამებზე საქართველოში.
ბათუმის ქართულ-ამერიკულ სკოლას გაფორმებული აქვს მემორანდუმი ბაუ-ს საუნივერსიტეტო კლინიკასთან, რაც გულისხმობს გასვლით აქტივობებს ლაბორატორიებში.