ბათუმის
ქართულ-ამერიკული
სკოლა

ბათუმის ქართულ-ამერიკულ სკოლაში, საქართველოს წითელი ჯვრის საზოგადოების ბათუმის ფილიალის წარმომადგენელმა პირველი დახმარების საბაზისო ტრენინგი ჩაატარა, რომელშიც მონაწილეობდნენ მე-9, მე-10 და მე-11 კლასის მოსწავლეები.

მათ თეორიულ ცოდნასთან ერთად, შესაძლებლობა მიეცათ მულაჟების გამოყენებით განევითარებინათ პრაქტიკული უნარ-ჩვევები. 

აღნიშნული აქტივობის მიზანია: 

• სკოლის მოსწავლეებს მიეცეთ შესაძლებლობა, მიღებული ცოდნის საფუძველზე, საგანგებო სიტუაციებში იმოქმედონ სწრაფად, სწორად და უსაფრთხოდ;
• მოსწავლეებმა გააცნობიერონ პირველი დახმარების მნიშვნელობა და დანიშნულება;
• შეიძინონ სიცოცხლის გადარჩენისთვის აუცილებელი საწყისი ცოდნა და პრაქტიკული უნარები;
• განივითარონ პასუხისმგებლობისა და ჰუმანურობის გრძნობა;
• შეძლონ უსაფრთხო გარემოს დაცვა როგორც საკუთარი თავისთვის, ისე გარშემომყოფთათვის.

პროექტის ხელმძღვანელი: სამოქალაქო განათლების პედაგოგი ნათია კაკალაძე.