ბათუმის
ქართულ-ამერიკული
სკოლა

 14 ნოემბერს, მსოფლიოს ყველა ბავშვის ბებიის, ასტრიდ ლინდგრენის დაბადების დღეა. მისი კეთილი საქმეებით, ჰუმანურობითა და სიბრძნით, ის თითქოს დღესაც კვლავ ჩვენთანაა.

ასტრიდ ლინდგრენი - ის ადამიანია, რომელიც მუდმივად გვახსენებს, რომ ყველა ჩვენგანში ცხოვრობს ბავშვი.

ბათუმის ქართულ-ამერიკულ სკოლაში ასტრიდ ლინდგრენის დაბადების დღესთან დაკავშირებით დაწყებითი საფეხურის მოსწავლეებში ჩატარდა სახალისო აქტივობები:

• I კლასის მოსწავლეები გაეცნენ ეპიზოდებს მწერლის შემოქმედებიდან და დახატეს მათთვის საინტერესო პერსონაჟები.
• II, III და IV კლასის მოსწავლეებმა წაიკითხეს მწერლის შემოქმედებიდან სათავგადასავლო ეპიზოდები, შექმნეს დიორამები და გააცოცხლეს ასტრიდის პერსონაჟები: ბულერბიელი ბავშვები, პეპი, კარლსონი და სხვა .
• V-VI კლასის მოსწავლეები გაეცნენ მწერლის ცხოვრების საინტერესო ფაქტებს, უყურეს ფილმს ასტრიდ ლინდგრენის შესახებ, რის შემდეგაც შეამოწმეს მიღებული ცოდნა ინტელექტუალურ თამაშში მონაწილეობით.

ასტრიდ ლინდგრენისდმი მიძღვნილი დღე მოსწავლეებისათვის სახალისო და შემეცნებითი აღმოჩნდა.