07
დეკემბერი
უსკოს შეხვედრა GASB-ში
ბათუმის ქართულ-ამერიკულ სკოლაში აჭარის განათლების, კულტურისა და სპორტის სამინისტროსა და აჭარის უმაღლესი საარჩევნო კომისიის მიერ მომზადებული პროექტით - ,,ჩემი პირველი არჩევნები“ - სასწავლო-საინფორმაციო შეხვედრა ჩატარდა.
აღნიშნულ კურსს ჩვენი სკოლის IX-XII კლასის მოსწავლეები დაესწრნენ.
მოსწავლეებს შესაძლებლობა მიეცათ მიეღოთ ინფორმაცია ისეთ მნიშვნელოვან საკითხებზე, როგორიცაა:
- არჩევნების სახეები;
- საქართველოს არჩევითი ორგანოები;
- საარჩევნო პრინციპები;
- არჩევნების ისტორია საქართველოში;
- საქართველოს საარჩევნო ადმინისტრაცია;
- აჭარის ავტონომიური რესპუბლიკის უმაღლესი საბჭოს არჩევნები;
- უსკოს ფუნქციები;
- არჩევნების ადმინისტრირება;
- ახალგაზრდების როლი საარჩევნო პროცესებში;
- ერთი ხმის მნიშვნელობა;
- ელექტრონული არჩევნები.
შეხვედრის ბოლოს მოსწავლეები ელექტრონული არჩევნების შესახებ ვიდეო მასალას გაეცნენ.
ტრენინგს უსკოს საარჩევნო ადმინისტრაციის წარმომადგენლები უძღვებოდნენ.
პროექტს ორგანიზებას უწევს უსკოს ინსტიტუციური განვითარებისა და საზოგადოებასთან ურთიერთობის დეპარტამენტი.